影片
更多
2013-07-04
1074 浏览
喺groupon 买左张$99 tea set coupon, 今日同男友睇完World War Z就去食一去到唔洗等位，但我谂佢安排左我地去一个groupon 区，因为𠮶个area 个个都系食紧tea set。 虽然我身处cafe, 但我好怀疑自己系唔系喺茶楼。因为成间餐厅真系好嘈，真系有如星期日早上嘅茶楼，冇夸张！好，依家开始讲食物！首先，侍应好礼貌问我地饮乜。我要嘅咖啡唔系即磨，亦都唔够香。饮品嚟左大概十分钟，食物都送上嚟。毕竟系团购，毕竟系$99， 除左scone 之外样样都好迷你，但系我地当然都明白一分钱一分货呢个道理。先食咸点，有烟三文鱼三文治、咖喱鸡肉酥、牛肝菌芝士酥。烟三文鱼治中嘅烟三文鱼味道唔错，咸咸香香，但系白面包嘅包身淋得滞，应该系件三文治放左喺雪柜好耐，比块烟三文鱼整淋左 ....咖喱鸡肉酥好细粒，唔系好有咖喱香，不过都食得出系咖喱馅嘅。牛肝菌芝士酥啲芝士几香，但系个酥皮硬左啲，唔够松化。之后食scone。 Scone 几大粒，味道同质地都唔错，食落有少少牛油带嚟嘅湿润感。 不过食到scone 先发现原佢由头到尾都只系一人比左只叉我地，但系就冇比刀我地。问佢攞先
一去到唔洗等位，但我谂佢安排左我地去一个groupon 区，因为𠮶个area 个个都系食紧tea set。
虽然我身处cafe, 但我好怀疑自己系唔系喺茶楼。因为成间餐厅真系好嘈，真系有如星期日早上嘅茶楼，冇夸张！
好，依家开始讲食物！
首先，侍应好礼貌问我地饮乜。我要嘅咖啡唔系即磨，亦都唔够香。饮品嚟左大概十分钟，食物都送上嚟。
毕竟系团购，毕竟系$99， 除左scone 之外样样都好迷你，但系我地当然都明白一分钱一分货呢个道理。
先食咸点，有烟三文鱼三文治、咖喱鸡肉酥、牛肝菌芝士酥。烟三文鱼治中嘅烟三文鱼味道唔错，咸咸香香，但系白面包嘅包身淋得滞，应该系件三文治放左喺雪柜好耐，比块烟三文鱼整淋左 ....
咖喱鸡肉酥好细粒，唔系好有咖喱香，不过都食得出系咖喱馅嘅。
牛肝菌芝士酥啲芝士几香，但系个酥皮硬左啲，唔够松化。
之后食scone。 Scone 几大粒，味道同质地都唔错，食落有少少牛油带嚟嘅湿润感。 不过食到scone 先发现原佢由头到尾都只系一人比左只叉我地，但系就冇比刀我地。问佢攞先比得一把刀我地 .....跟住就食甜点啦，有Macaron、tiramisu tart 同胡桃胡萝卜蛋糕。
Macaron, 鉴于上次逸东酒店劣质macaron嘅事件，我对团购下午茶嘅macaron失去信心。冇抱有好大期望嘅我首先用手指笃穿macaron嘅外壳。一笃之下，佢嘅外壳碎开，但系从自己所施嘅力度知道佢唔系好macaron。但系，食落又冇想像中咁差，除左个壳衰在硬左啲之外，佢真系唔错。士多啤梨味嘅馅软硬度适中，味道都好出；柠檬味macaron味道更出众，个壳亦相对地冇咁硬。呢度嘅macaron好过逸东好多倍！Tiramisu tart, 挞皮其实系朱古力，"tiramisu"系有咖啡酒味嘅mousse, 所以所谓嘅tiramisu tart 其实系一粒朱古力 .... 不过味道都唔错。
最后讲下我觉得几好食嘅胡桃胡萝卜蛋糕。除左蛋糕面有半边合桃外，蛋糕入面都布满合桃粒，口感好丰富，亦都充满果仁嘅香味。蛋糕有标准合桃蛋糕嘅黏黏哋嘅质地，好味好味好味道！
以团购每人五十蚊嘅价钱嚟讲，甜点嘅质素几好，但系咸点就真系差啲啦。
虽然平，但再有类似嘅优惠我地都唔会再嚟，因为呢度实在太嘈，完全倾唔到计！ 而且有一次男友递起手想叫其中一名年轻嘅侍应加水，个侍应见到之后竟然调头走lol
张贴
