烤焗工房 (已搬遷) 新店位置

去葵芳行街，都一定会见过呢间烤焗工房。佢最出名嘅系酥炸大鱿鱼，可以拣唔同口味嘅调味粉。首先佢嘅大鱿鱼真系好大份，仲大过块面，一拎上手就闻到好香，个皮好脆，啲炸粉唔算太厚。啱啱开张嘅时候，因为鱿鱼唔算易咬，所以一边食，啲皮就一边甩，结果最后皮同鱿鱼系要分开摆入口食嘅。不过而家设有碎上嘅服务，所以就唔会有呢个问题啦。个人真系好钟意食佢嘅酥炸大鱿鱼，尤其是配埋佢嘅孜然粉或者海苔粉，真系好好食。见到有唔少人都会买佢其他小食，全部嘅卖相都好好，希望下次有机会可以试吓啦。