影片
更多
2021-04-15
247 浏览
放工约咗朋友食饭吹水，唔饮酒，近近地揾到呢间餐馆。外面睇似系咖啡室, 有种小清新感觉。入到面，舖头细细，啲木枱似功夫椅咁，墙身挂咗怀旧相海报，有啲台式feel。 成店可坐10个位左右，如果4人以上大班人食饭真系有难度。坐好后，待应哥仔送上纸袋放口罩及搓手液消毒。自助手写落单，无套餐需要单点。想睇相可能要睇返门外口餐牌参考。热柚子蜜好快送到，杯印咗logo，都几靓，正常即冲味道，唔特别评论。前菜凉拌大荳芽，不得了，用旧式蓝碗装到小山坡，有埋豆卜。麻油味小小醋酸香，唔会好油，芽菜爽口唔痴牙，劲开胃，呢个量一定要share食。另一客小食酥炸凤尾虾，即系吉列炸虾（？），望落色泽金黄炸得几靓，摊咗一阵先食暖暖地入口，炸浆小小厚身，虾肉嫩滑，不妨试试，唔点沙律酱都好够味。主菜推介嘅葱油炸猪扒饭，好多葱油拌住，猪扒似系以盐酥鸡炸法，香香炸味色泽都光。咬落炸皮酥脆咬到'索索'声，猪扒有肉汁小小油唔干身唔是鞋口，少少咸味，抵赞抵赞！白饭偏湿偏黏黏，捞埋葱花食，good ar，想添饭添！另一个葱花豆角叉烧炒蛋饭，叉烧同豆角幼粒切，混蛋浆炒，并无甩晒出嚟，炒蛋仲有啲系嫩嫩地嘅液状，保留返少少叉烧汁嘅甜味及原
入到面，舖头细细，啲木枱似功夫椅咁，墙身挂咗怀旧相海报，有啲台式feel。 成店可坐10个位左右，如果4人以上大班人食饭真系有难度。
坐好后，待应哥仔送上纸袋放口罩及搓手液消毒。自助手写落单，无套餐需要单点。想睇相可能要睇返门外口餐牌参考。
热柚子蜜好快送到，杯印咗logo，都几靓，正常即冲味道，唔特别评论。
前菜凉拌大荳芽，不得了，用旧式蓝碗装到小山坡，有埋豆卜。麻油味小小醋酸香，唔会好油，芽菜爽口唔痴牙，劲开胃，呢个量一定要share食。
另一客小食酥炸凤尾虾，即系吉列炸虾（？），望落色泽金黄炸得几靓，摊咗一阵先食暖暖地入口，炸浆小小厚身，虾肉嫩滑，不妨试试，唔点沙律酱都好够味。
主菜推介嘅葱油炸猪扒饭，好多葱油拌住，猪扒似系以盐酥鸡炸法，香香炸味色泽都光。咬落炸皮酥脆咬到'索索'声，猪扒有肉汁小小油唔干身唔是鞋口，少少咸味，抵赞抵赞！白饭偏湿偏黏黏，捞埋葱花食，good ar，想添饭添！
另一个葱花豆角叉烧炒蛋饭，叉烧同豆角幼粒切，混蛋浆炒，并无甩晒出嚟，炒蛋仲有啲系嫩嫩地嘅液状，保留返少少叉烧汁嘅甜味及原有蛋香味。
整体嚟讲食物味道质素都好好，份量亦都好适中，女仔可能叫少饭，男仔一碗都够饱。下次想挑战下辣炸鱼蛋。
张贴
