Oslo (已結業)

同男人本身諗住去九龍城食泰國菜，但行下行下見到呢間西餐廳好似唔錯，仲有我最愛嘅蜜糖多士，一於就決定今晚晚餐喺呢度食啦。餐廳裝修歐陸風格，牆身掛咗好多畫，枱與枱之間距離夠，私人度十足。 全日早餐特選呢個牛角包真係冇得輸，咬落超酥脆，係我人生食過最好食嘅牛角包。而且佢嘅蛋亦都吵得啱啱好，吃落超creamy, 而且菇味十足，冇得頂。餐湯係香草忌廉湯忌廉煙肉意粉意粉有咬口，醬汁濃稠度適中。每條意粉都有醬汁掛住，而且煙肉有爆炒過，成個醬汁都好香煙肉味，好好食。椒鹽雞翼跟餐加＄20就可以有五多隻椒鹽雞翼， 好抵食雞翼表面炸得好酥脆，椒鹽味夠，啱啱炸起熱辣辣。巨峰提子梳打特濃朱古力奶昔，超級重量級，男人話淨係飲呢杯野都飽左一半。石板街多士盒我最期待嘅多士盒終於到啦，呢個多士盒同我哋喺出面食嘅係唔同㗎。出面食嘅多數你食晒裏面嘅多士粒就算，而個面包皮就絕對唔會食。但呢度嘅多士盒佢嘅麵包皮係酥皮嚟㗎 ，點埋嗰啲cream同雪糕，我真係第一次成個多士盒連麵包皮都食晒呀！呢間餐廳超啱我心水，已經放左喺我嘅最愛心水餐廳list度，下次一定要再拖男人過嚟呢度食先。