新華茶餐廳

营业中

休息中

话说心血来潮想食个港式蛋挞，一个人走去长沙湾青山道。呢条街其实有两间历史悠久又超多人气既茶餐厅。就系‘金园茶餐厅’同‘新华茶餐厅’，中午12:00沿路行过去两间都多人等。🙈睇落新华门口少D人。所以去左新华。一坐落就心急叫左个蛋挞先，再加个常餐。超有效率，一下子黎齐晒🤣沙爹牛面，味道普通唔算好美味，牛肉碎湿湿同偏干。火腿奄列味道正常。无期望所以无失望，只系唔想空肚食甜野，重点都系想食个蛋挞。蛋挞明明同常餐一齐上枱，留到最后先食，重保持到热度。蛋挞酥皮松脆，蛋软滑有蛋香，甜而不腻。100分美味，滋味大满足。果然无失望今时今日重有几多间茶餐厅有出炉蛋挞，真材实料重要有水准，呢种味道只有旧式茶餐厅先食得到。用餐期间，见到师傅捧著出炉蛋挞出黎最少两次。果然新鲜。