廚十三老壇酸菜魚 (太子集團中心) (已結業)

好耐好耐冇食过酸菜鱼啦！呢到地理位置都几方便，行完街上黎食好方便！呢到好贴心，会比埋口罩袋你！因为有4个人食，叫左个土豪老坛酸菜鱼，仲加左寛粉、豆卜。豆卜吸晒汤汁，好够味！寛粉都好烟韧。酸菜够酸，而且每一块鱼都好大块，好足料。呢度啲雨都冇乜骨所以食落好方便，又唔惊会哽亲。就连平时唔食鱼嘅朋友，都话好好味。鱼块都好滑。因为我哋都唔太食得辣，所以叫咗小辣，食落啱啱好，唔会太辣，而且有少少辣味，好过瘾！小食方面，叫咗个上上签，本身以为系冻食，但原来系暖暖地的，入边有莲藕、莴笋、鹌鹑蛋、凤爪、椰菜花等等。仲叫咗个酥炸毛面蓝，个名好搞笑，原来系炸猪肉丝，仲配上少少辣椒粉，食落好脆口。甜品最后就叫咗雨露均沾，完满结束。