樂林小鍋米線 (已結業)

夜妈妈喺港岛区揾野食，咁啱见到呢间米线舖，见佢冇乜人就入去试下啦。佢同好多米线舖一样，有张纸畀你自己圈想食啲乜嘢。.🍜四𩠌酸辣小锅米线.以份量嚟讲碗米线都几大碗， 佢啲𩠌嘅份量都好多，一啲都唔孤寒。米线食落去嘅口感系好软熟，有少少弹牙嘅感觉。呢度个猪大肠都煮得好冧，唔会好似有啲舖头煮到成旧香口胶咁咬极都唔烂。 不过个酸菜对我嚟讲就酸过头，而且佢酸菜嘅份量都几多，我谂佢会比较适合一啲好钟意食酸嘢嘅人。.初初以为冇乜人黎食，点知食下食下成间舖就坐满人， 所以真系睇你好唔好彩啦。