圃公館 (已結業)

哥伦布美食游。今次去边到？美食哥伦布今次同大家嚟到湾仔嘅圃公馆！有乜咁好食?一齐睇下啦!先介绍几款江南小食比大家！青芥小木耳、秘汁牛脸颊、陈醋海蜇头！青芥小木耳一啖一粒！好多时木耳最多都系配陈醋，所以第一口食嘅时候，感觉到少少攻鼻嘅𠮶下都几醒神！秘汁牛脸颊好腍！好软绵线嘅感觉！中间有啲透白位入口即溶！好少食牛肉会有咁嘅口感！而且佢个汁做得好好，好食得黎又入味！木耳唔系用陈醋，反而海蜇头用返陈醋！甜甜酸酸，比平时净系用普通醋好食好多！海蜇又够爽口，凉凉地酸酸地够开胃！砂锅鸡煲翅真系唔可以唔提！足料到晕！个鸡汤唔会太油，鸡味重而且又好甜！啲翅好爽口！一梳梳咁！拎啲鸡出黎食埋佢，有成只鸡喺入耐！而且啲鸡肉煲到好腍！连啲骨都软埋！翡翠玉环瑶柱甫唔算好特别，因为我都知好多地方有！不过佢地件节瓜入面粒瑶柱都真系几大粒！而且个汁都好鲜甜，节瓜吸完啲汁真系好好食！最后系金牌酸菜和牛肉，老实讲用和牛真系有啲洒料！因为酸菜本身个味都几浓吓，不过食落去又真系完全唔同！咬下咬下好香口！酸菜底下仲有薯粉，烟烟韧韧好好咬～而且仲好入味！份量都好够，唔洗再叫炒粉面都得！