三星台菜食堂 (新城市廣場一期) (已結業)

【花雕三星面】呢个面汤底加入左花雕酒，酒味都几浓烈，唔系咁中意热食中有酒味嘅朋友可能觉得麻麻，不过佢个汤底偏甜同浓整体都可接受。 材料方面有酸菜、牛肚、牛筋同牛键，酸菜有一大汤匙咁多，酸甜度岩岩好又无好重嘅腌制味，非常开胃。牛肚同牛筋都焖得偏淋，易咬但觉得可以唔洗咁淋增加返Q弹爽口感觉。牛键整体都好软熟易入口，两大旧感觉好满足！牛肉面嚟讲质素都算中上，而且料足同面嘅份量都多，惟一美中不足系汤太少同埋汤底过甜，如果可以无咁甜同有更浓郁嘅牛肉味会更好！