影片
更多
2022-03-05
1677 浏览
我系个好钟意食辣嘅人，以前好钟意食麻辣，而家就好钟意食酸辣，因为特别开胃，所以系呢一年试咗好多间唔同嘅酸菜鱼，今次介绍咗呢间川菜除咗有酸菜鱼仲有好多麻辣小食。川婆婆系一间喺尖沙咀厚福街嘅川菜小店，喺2011年开业，总店只系做外卖。因为老细有次去四川旅行，食咗一间特色麻辣烫小店，觉得当地嘅小食非常好食，所以返到香港就萌生开店嘅谂法，所以就开咗呢间小店，系香港第一间麻辣烫店。开舖𠮶时头三个月都冇咩生意，到四个月来越多人食麻辣烫，要排队先买到，瞬间变成尖沙咀横巷既人气小店。店主系依10几年选材不嬲都严格，口味从一而终，迎合香港人口味，所以配料上以清淡为主，不过不失香味。客人越来越多，不过就抱怨老细几时开一间大铺，因为冇冷气咁食麻辣烫始终都有啲辛苦，所以最后2014年喺附近开多咗一间可以坐40个位嘅大铺，嘢食都唔再局限麻辣烫同小食，仲有最正宗既九宫格重庆火锅，汤底有好多款，好似有养生汤锅底、麻辣锅底、鱼汤锅底等。之后仲打破传统火锅店概念，推出矶烧烧烤，2019年系旺角开设超过四千六百呎既麻辣火锅店，以粉红蓝为主调色，虽然之后结业左。铜锣湾分店系2020年疫市扩充，一样有堂食座位，主打各式川菜料
川婆婆系一间喺尖沙咀厚福街嘅川菜小店，喺2011年开业，总店只系做外卖。因为老细有次去四川旅行，食咗一间特色麻辣烫小店，觉得当地嘅小食非常好食，所以返到香港就萌生开店嘅谂法，所以就开咗呢间小店，系香港第一间麻辣烫店。开舖𠮶时头三个月都冇咩生意，到四个月来越多人食麻辣烫，要排队先买到，瞬间变成尖沙咀横巷既人气小店。
店主系依10几年选材不嬲都严格，口味从一而终，迎合香港人口味，所以配料上以清淡为主，不过不失香味。客人越来越多，不过就抱怨老细几时开一间大铺，因为冇冷气咁食麻辣烫始终都有啲辛苦，所以最后2014年喺附近开多咗一间可以坐40个位嘅大铺，嘢食都唔再局限麻辣烫同小食，仲有最正宗既九宫格重庆火锅，汤底有好多款，好似有养生汤锅底、麻辣锅底、鱼汤锅底等。之后仲打破传统火锅店概念，推出矶烧烧烤，2019年系旺角开设超过四千六百呎既麻辣火锅店，以粉红蓝为主调色，虽然之后结业左。
铜锣湾分店系2020年疫市扩充，一样有堂食座位，主打各式川菜料理，好似地道麻辣烫、水煮鱼、手撕鸡等等。招牌麻辣烫$42有三款𩠌，汤底每日新鲜熬制，用上22款香料秘制而成，仲可以拣红薯宽粉、重庆火锅粉等。另外酸菜鱼、水煮牛肉用料十足，有芽菜、海带、娃娃菜、莲藕，送饭一流。除左麻辣汤底，仲有药膳鸡汤拣。
尖沙咀火锅店主打招牌麻辣锅，汤头用上50斤牛骨、四川汉源大红袍红花椒同十几种四川直送既香料熬制，顺喉既辣，唔会抢走肉既原味。传统重庆麻辣锅会加入牛油，不过老细想减少油腻感，特意用啤酒取替牛油，令汤头带有鲜味，仲有湖南豆干及鸭血，特别入味。除左酸菜鱼系店铺招牌，独创川菜小食仲有冷盘香辣粒粒花甲，灵感系黎自四川传统钵钵鸡，老细话系参考四川冷锅串串，好岩夏天食用。
铜锣湾店铺唔算好大，不过差唔多一眼睇哂，唔会店员见唔到，坐落都算舒服。
呢度系QR CODE落单，可以睇到有唔同系列，有水煮、番茄、上汤、酸菜系列，仲有小食、粉面餐、饮品，饮品都系川婆婆自家出品既冷泡茶，有桂花绿茶、荔枝伯爵红茶、金凤乌龙茶、玫瑰红茶等。
-
1️⃣ 酸菜鱼 💰73（👅: 8/10）
酸菜鱼
$73
77 浏览
1 赞好
0 留言
呢碗酸菜鱼系用三种酸菜做底，加上鲜鸡、海南黄灯笼椒、小米辣椒、南瓜蓉等熬制，同埋四川老坛泡椒酸菜同柠檬汁，饮落去汤底充满酸菜嘅味道，中辣食落唔算好辣，有小小辣同麻，几开胃，不过我觉得酸味可以再重啲，食落去唔会太重口味太油腻，送饭一流。酸菜咬落去都算爽脆。
鱼嘅份量都几多，系用上生鱼，够新鲜，鱼嘅口感唔算好滑都唔算好鞋，咬落去得一两旧有骨，不过如果可以全部都冇骨会更好，食落冇腥味，都算少少入味。
其他嘅配料份量都好多，完全食唔晒，娃娃菜索晒啲汤，所以非常入味，海带系偏粗身，味道都算突出，芽菜咬落爽口。
-
2️⃣ 飘香水煮鱼 💰73（👅: 7.5/10）
飘香水煮鱼
$73
30 浏览
1 赞好
0 留言
水煮鱼个汤都可以直接饮，虽然上面都系有好多干辣椒，中辣都唔算好辣，都系小小辣同麻，唔算话太过重口味，我个人钟意酸菜鱼果汤多啲，始终有酸味开胃啲。
水煮嘅话咪突出鱼嘅味道，份量同酸菜鱼都系咁多，不过呢碗比酸菜鱼感觉上油一啲。
-
3️⃣ 麻辣鸭血 💰32（👅: 7.5/10）
麻辣鸭血
$32
21 浏览
1 赞好
0 留言
-
4️⃣⃣ 麻辣冻豆腐 💰28（👅: 8/10）
麻辣冻豆腐
$28
14 浏览
1 赞好
0 留言
-
5️⃣⃣ 麻辣鱼蛋 💰12/6 （👅: 8.5/10）
麻辣鱼蛋
$12
22 浏览
1 赞好
0 留言
-
6️⃣ 麻辣牛柏叶💰18（👅: 8/10）
牛柏叶都系会有麻辣烫既汤加辣粉，麻辣烫嘅汤辣味唔算好重，主要都系靠辣粉，牛柏叶咬落算正常爽口，唔会太韧，食落去会比鸭血更加入味，不过有人话鸭血个汤重味啲，可以试吓将牛柏叶浸落去。
-
🍵 荔枝伯爵红茶💰15（👅: 8/10）
荔枝伯爵红茶
$15
19 浏览
1 赞好
0 留言
饮落去几清新，因为无落糖，所以无罪恶感，而且解辣一流。
-
🌟整体来讲呢度嘅性价比好高，因为坊间好少一人份量嘅酸菜鱼，绝对啱晒想过吓口瘾食辣嘅朋友，而且佢嘅酸菜鱼以一人份量来讲系非常足料，唔系大食嘅人根本食唔晒。
小食方面好多都系以麻辣烫嘅汤加辣粉，所以味道都系偏向辣而唔系麻，如果系想追求有层次嘅辣度，咁呢度嘅小食可能唔啱你，但麻辣鱼蛋都系我呢度最钟意嘅小食，因为佢特别入味。
老细每日收工都会认真睇食评留言，根据客人要求同季节变化，变换一啲时令配菜。因为疫情关系，川婆婆都有推出特价嘅外卖餐，OPENRICE订位都有折，系值得支持既小店，真系一个人都可以尽兴。
-
👅味道: 8/10
🍴环境: 7/10
💰消费: $50-150pp (服务费: NA)
张贴
