朝陽軒

营业中

休息中

深水埗系一个揾食嘅好地方，野食款式又多又好味，价钱又平。今次揾到一间食辣野嘅好地方，好耐冇食过酸菜鱼，所以就入左去。依间餐厅最出名嘅系酸菜鱼，所以一定要点招牌老坛酸菜鱼饭黎食，一上到黎就闻到酸辣味，已经流晒口水，份量都几多。佢嘅汤底落左好多酸菜同花椒，食落辣味适中，好适合用黎送饭。鱼切成鱼片，一块一块咁，食落非常滑，仲要系冇骨，非常方便去食，佢仲要好入味，吸左汤底嘅酸辣味。佢除左有鱼片，仲有大量嘅配料，有薯粉、芽菜、金菇同娃娃菜。小炒牛肉饭系平时嘅家常小菜，但佢嘅卖相非常吸引。牛肉食落几淋，唔会整到好老，咬唔到，佢配上云耳及青椒非常惹味，都系有少少辣味，送饭非常正。