醉標泰粵小廚

营业中

休息中

收工同朋友去新蒲岗揾食，行过见到一间食粤式同埋泰国嘢嘅餐厅，而且价钱相宜，于是就入去一试。餐厅环境干净，虽然未有豪华装修，但老板娘同埋啲员工都好友善，绝对系好温暖嘅小店。睇一睇餐牌，大部份食物嘅价钱都相宜，而且食物选择多，有粤菜同埋泰国菜，绝对适合三心两意嘅朋友。我同朋友首先叫咗呢度嘅招牌酸菜鱼煲，点知好友惊喜点，鱼好滑而且冇骨，仲要唔系出面浸到淋晒发胀𠮶种，听老板讲系即叫即整，非常新鲜。另外佢个汤底辣到啱啱好，唔会话太辣抢味，亦都唔会好似坊间嘅酸菜鱼一样咁油，绝对值得一试。另外亦都叫咗海南鸡同埋一啲串烧，海南鸡水准还好，比较有惊喜嘅系佢个烧鳝，外脆内软，而且好juicy，绝对值得一试！最后佢个饮品非常有诚意，唔系出面𠮶种，听老板娘讲系自己冲嘅，佢个咸柑桔好有屋企味道，亦都非常下火！嚟呢度一定要叫佢嘅饮品！我同朋友眨吓眼就清晒枱面啲嘢，可想而知佢有几好食！呢类型嘅小店买少见少，绝对值得大家去支持！