鼎泰酸菜魚

营业中

休息中

* 服务态度有待改善* 食物卖相要改善* 下午茶餐谂清楚先好嗌，特别系热狗* 食返佢嘅酸菜鱼应该会好好多同朋友经过附近，朋友选择咗呢间铺，因为店入里都有唔少客人，所以畀人安排到最边边、最冷清嘅位置(出菜囗附近) ，无主动畀餐牌，可能因为座位嘅关系，坐咗一阵先至有店员经过，先可以问佢拎餐牌， 因为唔太肚饿所以拣咗下午茶餐，本来已经挥咗手同店员示意要落单(店员已经回应"等阵" )，又等咗一阵，店员帮完其他客人落单之后始终都无嚟落单，朋友再次嗌落单，先至有人过黎。嗌咗一个34蚊嘅热狗同37蚊嘅半件西多士配鸡扒，等咗大约14分钟，热狗嚟到拎起手先发觉成个热狗包畀人㓥开咗两截， 所以咬咗啖之后散晒，啲肠、蔬菜全部跌晒出嚟，而西多士味道同囗感正常，鸡扒偏咸。睇得出好求其咁整一个30几蚊嘅下午茶餐，如果唔系因为朋友赶时间，未落单前我已经要走人，揾过另一间食。佢嘅酸菜因为未食过，不予置评。