影片
更多
2024-07-08
128 浏览
早排经过vwalk呢一间专食酸菜鱼嘅motomala, 见佢有新品推出，于是决定去试一试美极鲜辣汁藤椒麻辣烫个汤底就系美极汁同埋藤椒熬制而成，食落有啲麻辣，但系都几惹味，另外亦有好多配料可以加，今次加咗牛肉片、鲈鱼片同埋青口，本身亦都有配豆干同埋薯份，超级丰富。天花顶酸菜鱼套餐配白饭呢道招牌菜有几款鱼可以拣，今次就拣咗鲈鱼。鲈鱼片同酸菜既份量都好多，鲈鱼片食极都仲有，鱼质好滑，食落都几鲜。底部有用蜡烛温住，所以酸菜鱼嘅温度一直保持到。汤底落咗好多葱粒、花椒粒、芝麻同埋辣椒粒去调味，辣度本身有得选择，适合对辣度有唔同接受程度嘅人。黄金小酥肉上面个套餐包咗呢度黄金小酥肉，小酥肉炸得几香口，食落亦都唔会太油，有少少麻辣粉喺表面，调味啱啱好，啱晒一边食酸菜鱼，一边配小酥肉嚟食。麻辣牛腱展呢一道小食亦都系套餐包埋。牛展应该预先有用卤水腌过，所以除咗表面食到有麻辣汁之外，咬落去亦都有一浸咸香嘅卤水味，肉质亦都唔会过硬，咬落算几软稔。彩虹冰粉另外亦都叫咗一道中式嘅甜品，叫做彩虹冰粉。配料非常多，有芝麻、花生粒、红豆、小丸子、酒酿同埋仙草，每样嘅口感都唔一样，所以令到个甜品好有层次，同埋亦都唔会过甜，
美极鲜辣汁藤椒麻辣烫
个汤底就系美极汁同埋藤椒熬制而成，食落有啲麻辣，但系都几惹味，另外亦有好多配料可以加，今次加咗牛肉片、鲈鱼片同埋青口，本身亦都有配豆干同埋薯份，超级丰富。
天花顶酸菜鱼套餐配白饭
呢道招牌菜有几款鱼可以拣，今次就拣咗鲈鱼。鲈鱼片同酸菜既份量都好多，鲈鱼片食极都仲有，鱼质好滑，食落都几鲜。底部有用蜡烛温住，所以酸菜鱼嘅温度一直保持到。汤底落咗好多葱粒、花椒粒、芝麻同埋辣椒粒去调味，辣度本身有得选择，适合对辣度有唔同接受程度嘅人。
黄金小酥肉
上面个套餐包咗呢度黄金小酥肉，小酥肉炸得几香口，食落亦都唔会太油，有少少麻辣粉喺表面，调味啱啱好，啱晒一边食酸菜鱼，一边配小酥肉嚟食。
麻辣牛腱展
呢一道小食亦都系套餐包埋。牛展应该预先有用卤水腌过，所以除咗表面食到有麻辣汁之外，咬落去亦都有一浸咸香嘅卤水味，肉质亦都唔会过硬，咬落算几软稔。
彩虹冰粉
另外亦都叫咗一道中式嘅甜品，叫做彩虹冰粉。配料非常多，有芝麻、花生粒、红豆、小丸子、酒酿同埋仙草，每样嘅口感都唔一样，所以令到个甜品好有层次，同埋亦都唔会过甜，啱晒钟意健康，但又想食甜品嘅人。
张贴
