川舫 (嘉湖新北江商場一期)

营业中

休息中

见都几多人介绍过呢间川舫，今日黎左试下，地点系新北江地面个层，近后门位置，地点都唔算易揾。坐低左睇下餐牌，午餐都几多野拣，有辣有唔辣。点左酸菜鱼，午餐送白饭同热饮，冻饮加三蚊。份量都几大，卖相唔错。叫左小辣，望落唔多辣椒，试一啖汤，味道对胃㖞，咸咸酸酸同微辣，好易入口。鱼肉都几嫩滑，问下店员，佢地话用新鲜生鱼，唔错唔错，浸下汤汁好正。入面仲有娃娃菜同大豆芽菜等，吸了汤又系好好味。唔少得薯粉，劲弹牙呀～白饭一大碗，捞汤食正呀。由于食辣野同个场都几热，呢杯冻奶茶显得特别好饮，茶香奶滑，最紧要够冻！味道真系唔错，价钱唔贵份量足，唯一美中不足就系唔够冷气，天气咁热好想凉浸浸咁食返餐嘛。