四川重口味 (已搬遷) 新店位置

老公今晚开夜，要食自己，一个人的晚餐食乜好呢⋯⋯。谂左成个下午都冇心水，打算求其买盒叉烧饭返屋企食算啦，跟住临收工有个同事讲起酸菜鱼，个口即刻自动流口水，即刻上OpenRice揾吓边度有酸菜鱼食，土瓜湾呢间出名就试吓啦。一坐低就即刻落order先，一份酸菜鱼呀！唔该！好快就上菜，原来呢间野系用桂花鱼，几好，骨唔多，容易入口，我最钟意就系食酸菜㗎啦，个汤底酸菜+胡椒，食落去够浓，又会食到有少少胡椒粒粒、花椒啦，同埋好重既香味，加埋d辣椒🌶️，我系辣得之人，真系劲正！