本色鍋品料理

营业中

休息中

无论咩天气，打边炉都喺我其中最爱嘅一项活动。因为一边烚吓烚吓，一边同朋友倾吓计，的确相当写意。打边炉最重要嘅喺汤㡳，睇餐牌觉得相当吸引，就点咗酸菜鱼。呢到地方相当舒服，坐位好阔落，而且仲有电视睇添！落咗柯打无几耐，𠮶汤㡳就到。𠮶汤完全喺真材实料，仲有劲多鱼肉添架。鱼肉仲好嫩滑，无乜骨架。唔单止咁，个汤仲有好劲多酸菜，同埋其他蔬菜、菇。食完个汤㡳都饱咗一大半呀。另外，我哋点咗啲丸。呢到嘅丸仲可以双并添架。我哋拣咗牛肉丸同蟹籽虾丸。的确相当入味，唔似平时食开啲加工丸咁，入口喺有牛味，相当吸引呢。仲有好多嘢食都好想试呀，不过我哋人太少，试唔到好多，下次揾多啲朋友一齐嚟至得。