十二味 (如心廣場二期)

营业中

休息中

疫情关系，相信好多人都返唔到大陆，亦都令到好多人好挂住大陆既食物，酸菜鱼相信系其中之一。今次试呢间十二味，系香港都已经有好多分店，荃湾呢间开左系个新商场，唔知水准同其他分店有无分别呢？假日晚饭时间去，等位都等左接近一个钟，最后都顺利入到去。佢地店舖装潢同其他分店都差唔多，灯光较暗，都系要人用电话落单。我地两人叫左招牌酸菜鱼，再加多个辣子鸡。酸菜鱼一上菜已经占左成张枱咁济，再加埋个辣子鸡，无乜位咁济。个酸菜鱼份量都足够两人食，如果有3-4人，可以再叫另一个大份啲既。佢地今次个鱼好滑，配埋其他配菜，而且够哂酸，色香味都系水准之上，即使迟啲开返关，相信令好多人都可以唔洗急住返去食喇。辣子鸡都一样系色香味都十分足够，好出色，钟意辣子鸡既朋友真系可以试试。佢地仲有个辣锅好正，不过今次食唔到咁多，所以下次一定要食。佢地既菜式唔多，但每款都做得好，整体都系好食既，而且价钱唔算太贵，所以都推荐呢间既。