十二味 (謝斐道)

营业中

休息中

铜锣湾谢斐道呢间十二味，舖仔细细但午饭时间相当多人帮衬，间接话畀大家知，佢直得一食。午市有套餐：牛肉香锅、酸菜鱼、水煮牛肉、口水鸡、麻婆豆腐等等主菜选一，配白饭再加一盒饮品，均价70几蚊。笔者通常首选酸菜鱼，唔食得辣拣微辣。午餐而言，佢份量唔失礼，鱼肉足、酸菜够、莴笋啱啱好，想全部食晒，定会饱到呕。鱼肉例牌白净滑嫩，看似一小块一小块冇乜份量，但其实口感啖啖肉，畀人感觉有啲似水卜樱，细细粒冇乜肉地咁，实质禾秆冚珍珠，双峰出奇地惊人，而且肤色白白净仲要透红，透到粉红色可遇不可求，整体予人感觉相当水嫩，绝对值得间中欣赏。补充多少少🤏🏽，汤同酸菜够味，淋饭食好开胃；莴笋爽口清新。少少建议，假如想午市帮衬铜锣湾呢间，无论堂食定外卖，等15分钟系基本，打定电话落单稳阵啲。