川火堂

营业中

休息中

见呢度啲客人出出入入，都几旺场，而且睇门口Menu价钱都唔算贵，今晚就嚟试吓1）金汤酸菜鱼 $228呢个酸菜鱼超级多材料，有：主角超级多量嘅鱼、焦点嘅干红辣椒、莴笋片、仲有超级多嘅酸菜，唔少得就系呢煲酸菜鱼嘅索味面底：烟烟韧韧嘅宽粉！！！超正！！分量足够四个人食！2）铁板水晶粉 $98个铁板系热辣辣卜卜声咁新鲜滚热辣上碟，啲水晶粉出晒烟。表面上除左有紫洋葱丝、椰菜之外，揭开个底有惊喜，就系个水晶粉底加咗只蛋铺满整个铁板，啲水晶粉系完全沾到蛋香，食落更加香口。呢个菜嘅特别之处就系完全唔辣嘅，好适合啲食唔到辣嘅朋友，亦都好啱一边食辣嘢，一边揾啲唔辣嘅嘢平衡下都好嘅。呢个水晶粉都好弹好烟韧，口感唔错。3）清炒莴笋丝 $78呢碟莴笋份量超级多，多到两个人到食唔晒。呢碟莴笋系好食嘅，清清地，爽爽脆脆，又有啲小杂菇，丰富口感。4）胶原脆皮猪手 $128 （6只）呢个猪手同酸菜鱼一样都系今晚嘅焦点。呢样𩠌食得出系功夫菜，个面有啲辣辣地嘅紫洋葱碎，猪手个底就有啲红乐油。而猪手个表皮就系食到脆卜卜，但咬入去猪手个本质就软腍腍，所以食得出猪手系煲淋咗先攞去炸！5）熊猫冰粉 $32呢杯系唔食得辣嘅人嘅救星。