十三少 (已結業)

因Omicron关系又怕喉咙痛，都好少食辣嘢。路经乐富一间食川菜蒲头，突然间好想食，唔理啦，照去食个lunch。铺头细细，环境干净企理，黑灰为主打色。我们叫咗个set lunch。一坐低，侍应放下碟凉拌土豆丝。爽口兼有辣味。前菜：蒜泥青瓜。够清甜及爽口。主菜： 酸菜鱼。都系怕喉咙痛，叫少辣。侍应同我们讲，系用鱼汤嚟淆制，先饮咗汤，才吃。送上大大碗酸菜鱼，鱼汤好香，好重芝麻香味，有鲈鱼、菇菌、酸菜、芝麻、花椒、辣椒等等。酸菜鱼汤饮了，唔觉得口渴，真正用鱼汤制，酸菜恰到好处，唔太咸唔太酸，鲈鱼好大件夹爽口。整体嚟讲系好味嘅。小菜：干焗四季豆（小辣）炒得够干身，系干扁又唔油腻，唔太咸唔太辛辣。好味。侍应：服务态度诚恳。我都几喜爱食酸菜鱼，这一家系唔错嘅选择，小菜都好掂㗎。食物质素性比高。