十二味 (荃灣千色匯I)

营业中

休息中

一向中意食辣既我，今日嚟到呢间新派川菜食饭，听讲佢嘅味道非常正宗，一于试试佢既招牌酸菜鱼！✨人见人爱酸菜鱼我哋叫咗小辣程度，食得过瘾之余又唔会辣到出晒汗，啱啱好。鱼片系冇骨㗎，肉质鲜嫩滑溜，分量惊人。食得出落咗好多香料，非常惹味，汤底送饭一流！✨川式口水鸡一望落去超多辣油，但系食落又唔算好油。上面仲有唔少花生碎同芝麻，所以味道几丰富。鸡肉嫩滑，皮下脂肪少，鸡皮食落爽脆唔腻。原来下面仲铺满左青瓜架！如果份量再多啲，就更好啦！✨夫妻肺片呢度嘅夫妻肺片系以牛舌同牛胃为主，所以口感爽口弹牙，而且卤得非常入味。加上上面淋左啲辣椒、花椒整成既红油浇，味道麻辣浓香，非常有风味。