大餃子 (已結業)

天寒地冻谂住食啲嘢先去见客，刚好见到呢间应该新开的「大饺子」，地方简洁企理，啱哂！别以为净系得饺子，佢仲可以配面，更加估唔到佢有粥食！犹豫紧好唔好食碗粥暖下胃时，又见到佢个「特别推介」酸辣汤和蒜泥白肉，最后我就叫咗个A餐（$55），有齐饺子和酸辣汤，再散叫蒜泥白肉（$45）！饺子有韮菜猪肉、白菜猪肉、京芹猪肉和牛肉大葱可选，拣了韮菜猪肉和牛肉大葱（跟餐每只加$1），只只都胀卜卜，馅料好多，味道都唔错。酸辣汤十分大碗，果然足料，有肉碎、豆腐、红萝卜丝、葱、云耳、笋、猪红和猪大肠等配料，酸辣度刚刚好，饮完个人暖晒！蒜泥白肉的做法也很有心机，相比平时就咁一片片，佢系将片好嘅白肉用青瓜片卷起，食起上嚟样肉质的软和青瓜嘅爽口咁混合，增加层次感。而蒜泥再加上特制嘅复合酱料，带出强而浓既蒜蓉味及轻轻嘅辣度。