影片
更多
2019-09-01
402 浏览
今日同朋友去行街， 行行下都肚饿， 都想打边炉， 去到德福广场见到有牛阵， 顺便坐低兼医肚。 我哋见到牛阵有期间限定推出嘅冬阴功汤底，当然要嗌啦。呢个汤底嘅材料都几丰富，呢个泰式蔬菜拼盘入面有唔少嘅香草同蔬菜， 有通菜同埋青木瓜，仲可以按自己需要添加青柠同芫茜，调教酸度同埋香味。不过几特别嘅系，平时一般都会先煮汤底，但系今次就要先煎和牛油脂，同埋大虾，再加入汤底，令到成件事更加好味。至于呢个澳洲谷饲牛味道都唔错，唔会太肥， 而且都几嫩。豚肉结实有弹性又有肉味， 加埋冬阴功酸酸辣辣， 好味。除左有平时食牛阵都有嘅火锅配料之外，仲可以喺自取区到拎咖哩牛肉，同泰国小食， 炸鸡同埋虾片都系必食。尤其系个炸鸡，炸得好脆之余，仲一啲都唔油 ，仲有淡淡嘅香茅味， 正呀。同埋仲有得任饮泰国嘅象啤， 淡淡嘅小麦香清新爽口，同呢个酸酸辣辣嘅泰式火锅真系绝配。食到饱饱哋，仲可以食埋哈根大师嘅雪糕，满足埋个甜品胃，今餐每人都系二百零蚊，但系就食得咁丰富，都真系几开心。
今日同朋友去行街， 行行下都肚饿， 都想打边炉， 去到德福广场见到有牛阵， 顺便坐低兼医肚。 我哋见到牛阵有期间限定推出嘅冬阴功汤底，当然要嗌啦。
呢个汤底嘅材料都几丰富，呢个泰式蔬菜拼盘入面有唔少嘅香草同蔬菜， 有通菜同埋青木瓜，仲可以按自己需要添加青柠同芫茜，调教酸度同埋香味。
不过几特别嘅系，平时一般都会先煮汤底，但系今次就要先煎和牛油脂，同埋大虾，再加入汤底，令到成件事更加好味。
至于呢个澳洲谷饲牛味道都唔错，唔会太肥， 而且都几嫩。
豚肉结实有弹性又有肉味， 加埋冬阴功酸酸辣辣， 好味。
除左有平时食牛阵都有嘅火锅配料之外，仲可以喺自取区到拎咖哩牛肉，同泰国小食， 炸鸡同埋虾片都系必食。
尤其系个炸鸡，炸得好脆之余，仲一啲都唔油 ，仲有淡淡嘅香茅味， 正呀。
同埋仲有得任饮泰国嘅象啤， 淡淡嘅小麦香清新爽口，同呢个酸酸辣辣嘅泰式火锅真系绝配。
食到饱饱哋，仲可以食埋哈根大师嘅雪糕，满足埋个甜品胃，今餐每人都系二百零蚊，但系就食得咁丰富，都真系几开心。
张贴
