阿一豬扒酸辣米綫 (已結業)

阿一猪扒酸辣米线，其实招牌菜系酸辣汤底定系猪扒？？？第一次帮衬，试左猪扒酸辣乌冬，因为唔知道呢间餐厅个辣度，所以稳阵点左小辣。面头有好多葱，莞荽，酸菜，样样都系我最爱，如果唔食葱的记得要走青，因为真系好多葱，先饮左一啖汤，酸带好少好少辣，辣味系有好轻微麻辣，都几开胃，乌冬就一般，冇特别，配菜仲有花生，有d似食重庆酸辣粉既味。猪扒份量都唔算少，有3块中size, 猪扒腌得好入味，同埋好淋，唔会硬同干， 猪扒水准都几高。午饭一碗$42， 饮品再加钱，尖沙咀来说尚算接受，价钱适中，可以encore