影片
更多
2021-10-07
2177 浏览
前文都提及到订咗东涌「富诺特酒店」嘅Staycation套票，入嚟东涌玩两日。晌酒店游完水，再到机场维修区睇日落及飞机升降，虽然，海面嘅云层比较厚，睇唔到「咸蛋黄」，但黄昏景致都喺好靓。由于套票只包一晚房价、自助早餐及两份野餐包，故晚餐都要自己安排吓，但成个东荟城，真喺唔使担心揾食问题。嚟之前已搜罗咗几间心水，最终决定「Wheatfield X 罗宋汤专门店」，因为老婆好喜欢菜汤食品。因为我哋都差唔多成8:30pm先过嚟，加上又喺星期日晚，东荟城二期呢边好静吓，走进餐厅客人都唔多。餐厅环境四四方方，装修、格局都比较简约，木枱櫈，配衬灰橙为主调。餐具放晒晌枱侧拉柜桶，一派茶记设定。但店员唔会主动提供热水，不过，你要求嘅话都绝对好快送上，揾啲热水洗洗餐具消消毒，喺依家啲生活常态。枱上有张纸餐枱垫，特别有一大段文字介绍罗宋汤点样引入到嚟香港，罗宋汤个名嘅由来，睇睇当知吓。既然称得上罗宋汤专门店，主打产品就梗喺罗宋汤，此外，仲有捞面套餐、特色饭面、俄式串烧、小食、沙律及甜品，其实，都几多元化，又唔会净得罗宋汤嘅。不过，我哋最后都点咗两个罗宋汤套餐，本来都想试试其健怡红菜头汤，但入座前已告之卖晒
因为我哋都差唔多成8:30pm先过嚟，加上又喺星期日晚，东荟城二期呢边好静吓，走进餐厅客人都唔多。餐厅环境四四方方，装修、格局都比较简约，木枱櫈，配衬灰橙为主调。
餐具放晒晌枱侧拉柜桶，一派茶记设定。但店员唔会主动提供热水，不过，你要求嘅话都绝对好快送上，揾啲热水洗洗餐具消消毒，喺依家啲生活常态。
枱上有张纸餐枱垫，特别有一大段文字介绍罗宋汤点样引入到嚟香港，罗宋汤个名嘅由来，睇睇当知吓。
既然称得上罗宋汤专门店，主打产品就梗喺罗宋汤，此外，仲有捞面套餐、特色饭面、俄式串烧、小食、沙律及甜品，其实，都几多元化，又唔会净得罗宋汤嘅。不过，我哋最后都点咗两个罗宋汤套餐，本来都想试试其健怡红菜头汤，但入座前已告之卖晒，咁罗宋汤我哋又OK嘅，所以，先照坐低。
经典罗宋汤套餐 $72小弟就个基本嘅罗宋汤套餐，包括海派牛腩罗宋汤、麦田薯仔沙律、牛油甜餐包，餐饮拣热奶茶，全部嘢都可以预制定，所以，都好快送上有得食，查实我都有啲肚饿。
睇到个麦田薯仔沙律外形就好有怀旧感，呢种薯仔沙律真喺卖少见少，都好少餐厅整，麻烦嘛，好多都喺沙律菜倒啲油醋上去，感觉又高级，又悭功夫。但呢个薯仔沙律，味道唔会有咩惊喜，但食嘅喺一份份回忆。而呢种甜餐包，又喺细个时豉油西餐中嘅产物，包身非常软熟，有微微甜品，涂牛油，已好好食。
海派牛腩罗宋汤内有劲多料，椰菜、红萝卜、西芹、蕃茄……等等，煮到腍透，而汤味酸酸甜甜，饮落非常开胃；而牛腩似喺坑腩，亦都煮到好松化，唔会扯极郁咬唔开，又够肉香，而且，份量亦唔少。
厨师推介套餐 $88 老婆就试另一款罗宋汤套餐，心水汤类（4拣1）、脆猪仔包（4拣1）配餐饮。老婆嘅罗宋汤就选配猪脾肉，初时以为得几片放问晌碗边，原来，底下有大量猪脾肉，好似食极都有；佢就赞个汤好饮，酸香鲜活，却唔会呛喉，有大量蔬菜就更合佢口味，因为，佢颇钟意菜汤，尤其意大利杂菜汤，完全喺佢嘅至爱。
香煎猪扒脆猪仔包肯定喺新鲜制作，因为，等咗都近10分钟先送上，攞起手非常热焫，最窝心喺已切开两半，方便我哋分享。个「猪仔」非常香脆，包心却好软绵，件猪扒煎得甘香，口感松化，又够肉汁，而且，仲食到阵阵香料味，配合埋啲生菜、蕃茄、沙律酱，真喺好好食。
热奶茶、热柠水餐饮我哋就无升级，都喺饮番啲基本嘢，小弟杯奶茶都OK啦，喺唔及啲茶记好，但入口茶底都芳香，只喺口感未叫好柔滑；老婆杯柠水，佢就话啲柠檬好清香，完全无涩味。
食完抖一抖，再逛一逛东荟城二期，点知，才9点多，大部分铺头都闩晒门，仲开嘅就主要喺食店而。不过，仲啱我哋，怕人多，纯粹行吓，食饱当散步。
张贴
