酒鍋 (天文臺道) (已結業)

做人儿女甚艰难，OT到天昏地暗差啲唔记得左妈子大人嘅牛一。所以系临急嘅情况之下揾左呢间系公司附近嘅餐厅，帮妈子大人庆祝一番。入座时几好彩，坐正吧枱对面。边食可以边欣赏调酒师的表演。火锅点左个鸳鸯汤底，方便照顾大家嘅口味嘛。但个汤底都真系好足料，椰子同花甲都非常多，蚬肉都算大粒所以个汤底出黎好甜，略带酒香。而沙嗲除左好香浓之外仲有少少麻辣，几过瘾。花雕鸡件除左酒味浓郁之外，入口仲好滑嫩。蜂巢豆腐异常吸味。另外见餐牌有样叫蛋饺嘅几得意，点左一份。入面系用洋葱，猪肉同虾做馅，之后用蛋皮包住，个配搭又几夹㖞。七色手打丸，食落爽口弹牙。一开始想食下系边七款味，但妈子一野倒晒落沙嗲汤度，咁就分唔出了。企鹅墨鱼丸造型十分趣致，落锅一刻有啲不舍。但真系好食，粒粒墨鱼肉提高个口感，唔错。火锅必点牛肉。牛颈脊厚薄适中，大理石一样嘅油花，相当迷人。落锅轻灼数十秒，牛肉香又软嫩。正。炸鱼皮又系火锅良伴，呢度嘅炸鱼皮入口酥脆鱼味又足。连埋炸蒜茸一齐食非常惹味。因为对个汤底念念不忘，所以再点多左份乌冬。捞埋啲沙嗲汁真系好味到多多都食得落。火锅汤底黎讲，呢度真系炮制得好出色，顺喉得黎真系可以就咁饮。饮埋个清甜又解热