和匠日式燒肉店

营业中

休息中

韩烧就食得多，以住感觉系太多肉，多肉到食唔落个只，日烧我就无试过，所以就约左几个朋友黎呢度试下日式烧烤既风味吧！舖头位于唔太繁忙的地区，佐敦女拔萃后面。店员预备好酱汁俾我地...从左到右分别系，芝麻酱、烧肉汁、柚子汁。烧肉汁系适合豚肉烧。柚子汁系适合肥牛肉等。芝麻酱我不感兴趣，因为我唔钟意芝麻个种味。先黎一D开胃野食，系冰头渍同八爪鱼粒。冰头渍系三文鱼头的软骨，食落是酸酸的，应该是用醋腌过，几好赵口，而八爪鱼粒上有Wasabi，但唔会好攻鼻抢口，唔错！跟住有沙律，感觉清新新鲜。以上三样都是开胃的，跟住就系肉来了。首先系美国牛排，有少少似厚切雪花肥牛，开始烧既时候，直至肉汁出左黎，就可以反转第二面烧，你地睇下幅相里面既肉汁出哂黎，肉质岩岩好，但要注意，牛烧耐左就会老，变得韧了。跟住系豚颈肉，上碟时砌到好似花一样，烧完时，豚肉本身一格格，黄金色的，食入口又唔太油腻，又爽口，唔韧。之后有日本A4和牛肉眼，呢个我钟意，因为入口即溶，比之前既美国牛排更有肉味，我推荐！之后有烧鳗鱼，烧鳗鱼有BBQ风味，但我觉得冇乜鱼鲜味，可能鳗本身系淡味，不过烧既时候要注意，个鱼要系咁翻系咁翻，因为好易黏底的。帆