影片
更多
2014-11-14
1360 浏览
晌小弟后生个年代，我谂都无乜边个唔识阿Sam首「最紧要好玩」，旋律轻快，歌词鬼马，当年真喺唱到街知巷闻。好钟意当中几句歌词：「人其实天生奔放贫玩，原没有拘束只有笑颜，悲欢我唔惯，追赶太阳似子弹。」晌依一代社会里，能生活得无拘无束著实不易，所以，识得心情嘅调节好重要，就好似今晚，跟几个老友嚟到「醉串」，吃吃喝喝，只谈饮食，细味串烧，其实开心真喺可以好简单 ！主打卖串烧，跟上次帮衬过晌铜锣湾嘅深宵食堂感觉好唔同，有别一般日式串烧店，装潢较为摩登简约，一室白枱白砖墙，以白色为主调。中间一字长形高脚枱櫈，有少少酒吧感觉，而两边都喺可郁动嘅4人位。如果主要嚟饮吓酒，前者无乜所谓，若嚟主要叹串烧，似乎后者会坐得舒服少少。店名加得个「醉」字，酒类自然少不得，而且款式甚多，又日本吟酿，又韩国真露，生啤就更唔在讲啦，满满一架一柜都喺 。 巨峰梳打 $98（1L）不过，小弟唔多饮得，对酒亦不大兴趣，所以，最后都拣咗巨峰梳打。冰凉清甜而带些微酸，点点提子气味，感觉清新。据介绍，店中嘅「真露Mix巨峰」（$180 / 1L）经特别调制，都几受客人欢迎，相信跟食串烧会喺「醉佳拍档」 。睇番其他人嘅食评
主打卖串烧，跟上次帮衬过晌铜锣湾嘅深宵食堂感觉好唔同，有别一般日式串烧店，装潢较为摩登简约，一室白枱白砖墙，以白色为主调。中间一字长形高脚枱櫈，有少少酒吧感觉，而两边都喺可郁动嘅4人位。如果主要嚟饮吓酒，前者无乜所谓，若嚟主要叹串烧，似乎后者会坐得舒服少少。
店名加得个「醉」字，酒类自然少不得，而且款式甚多，又日本吟酿，又韩国真露，生啤就更唔在讲啦，满满一架一柜都喺 。
巨峰梳打 $98（1L）不过，小弟唔多饮得，对酒亦不大兴趣，所以，最后都拣咗巨峰梳打。冰凉清甜而带些微酸，点点提子气味，感觉清新。据介绍，店中嘅「真露Mix巨峰」（$180 / 1L）经特别调制，都几受客人欢迎，相信跟食串烧会喺「醉佳拍档」 。
睇番其他人嘅食评，都见「醉串」开咗段短时间，不过，都仲做紧唔少「新张优惠」，例如：食满$200减$50、Hoegaarden生啤10:00pm后买一送一、感动价$98日式波士顿龙虾芝士火锅一客 。
咁都未止，如果晌Facebook或Instagram，赞吓好，打吓卡，都有少少回报，就喺获赠免费小吃。至于今晚送咗咩小食俾我哋，就喺酱煮牛舌尖（$20 / 份），牛舌经过汁煮，好入味，加上牛舌独有膻香，以及软腍嘅质感，一口一件，准备为今晚嘅串烧之旅揭开序幕。
日式柚子冻蕃茄 $22 整串烧制作需时，所以，先嚟个冷盘前菜开开胃。日式蕃茄简单薄切，配以柚子胡麻汁，酸香醒胃。
日式波士顿龙虾芝士火锅 $98（新张优惠价）新张优惠著数嘢，无理由错过，不过，龙虾有点细只，虾肉亦都唔多；幸而伴有香蒜面包粒，个芝士火锅又调校得幽香软滑，事后才知喺用日本清酒搭瑞士芝士做，怪不得硬喺有啲唔同。
扫一扫张点菜纸，以肉类串烧最多，共有近廿款，而海鲜类（11款）、菜蔬类（11款）、凉拌 / 小食类（13款），加埋面类，应不愁无选择。串烧五花腩 $28 / 串
五花腩厚切，肥瘦相间，当然基于健康瘦嘅占多，所以咬落唔会一口油，但焦香油润，富肉汁，认真唔错。
烧鸡软骨 $16 / 串（2串起）鸡软骨其实最主要食佢个口感，咬落咯咯声，食落咬口柔韧，不过，唔钟意嘅人就觉得无咩好食。鸡软骨连住少少鸡肉，若慢慢细嚼，咬吓咬吓查实都几过瘾。
烧羊架 $88 / 2件 问过店员，羊架取纽西兰货色，烧得匀均，上枱已肉香四溢，入口肉汁澎湃，肉质软腍柔嫩，但膻香温和，值得推介。
烧牛舌 $28 / 串（2串起） 牛舌同样厚切有咬口，跟上面个酱煮牛舌尖好唔同，因为只下盐调味，牛舌独有香味更突出，爽口有回弹力，盐烧最能体验牛舌真味。
烧鳝串 $48 / 串 一串卖$48确喺有啲唔平，但食过会知道佢嘅质素绝唔喺行货货色。外皮烧得甘脆，咬落有卜卜声嘅感觉；鳝肉油润而嫩滑，脂香十足，推介正货。
辣酒花螺仔 $48 喺店方自信嘅推介，一份都喺卖$48，大概有十零粒，唔算贵。个辣酒真喺调校得不俗，酒香辣度兼备；花螺仔肉地几肥美，索满辣酒汁，非常惹味。
烧日本有机甜番薯 $18 / 串（2串起）临尾点啲淀粉质食物，可垫一垫肚，始终食串烧都喺唔平嘅消费。一串有4粒嘅日本有机甜番薯，我哋连皮食，番薯软绵粉甜，几好味。
烧牛油粟米 $20 / 3条烧蔬菜类中，除烧日本有机甜番薯喺厨师推介外，估唔到个烧牛油粟米亦喺另一厨师推介嚟，粟米清甜富粟米香，不妨再多啲牛油就仲好。
和风冷乌冬 $22 食完个辣酒花螺仔净番好多汁，点个冷乌冬再捞埋啲辣酒汁就一流，好唔好味？唔使多讲啦，况且，啲乌冬煮得有咬口，质感滑溜。
店内特设精致小巧嘅座枱炭炉，可有助保温，因为上菜唔算耐，我咃又想慢慢食慢慢叹，所以，有啲较多油、较多肉汁，又唔易干水嘅串烧，就放晌炭炉回热，令串烧有个最佳状态时先入口，依份细心嘅安排实在窝心。
虽然小弟唔喺「天生奔放贫玩」，但就喺「唔恨有奖品只要笑颜」，做人嘅嘢咩都强求只会事事都唔开心，写食评都喺，志在自娱 ，又跟人分享吓饮饮食食，所以，好钟意歌词最后一句：「不须有人赞，只须我仍觉好玩」 。
张贴
