影片
更多
2019-04-29
182 浏览
今晚番观塘揾旧同事食饭，两个人，唔知食咩又想慢慢坐住吹下水，最好嘅选择就系打边炉啦。网上见到介绍醉翁亭唔错，就二话不说let’s go。一坐低，服务员见我地两个男仔就同我地介绍先食个鸡煲然后再拣汤底打边炉。除左海鲜拼盘，刺身，花胶冬菇，至尊水饺王，牛颈脊等指定食品只系出一次，其他野都系可以任饮任食。咁抵食嘅边炉，都真系第一之试。系等紧鸡煲黎嘅时候，我就出左去睇下有咩小食。虽然款式唔多，但系品质都唔错。炸排骨够酥香；白云凤爪酸甜爽口非常开胃。服务员好快就为我地送上蚝皇金钱花胶，花胶都几厚身炆得都入味，同埋D芡汁浓郁。另外个刺身都算几新鲜，有中价日本餐厅嘅水准，相当唔错。上晒前菜，个鸡煲终于到啦。滚左一阵，指天椒、干指天椒、花椒、八角等香料嘅香味己经出晒黎。鸡肉鲜嫩又够入味，咬落脆身又唔会觉得「鞋」。我地叫左微辣，但食左一阵我已经满头大汗。唔食得辣嘅朋友要留意啦，其实都有走辣可以拣番。最惊喜嘅就当然系海鲜拼盘同埋牛颈脊啦，海鲜每款都大件又饱满圣子，虾，青口，扇贝，鱼片，象拔蚌，十分丰富。唔似其他餐厅个D 雪左好耐又劲腥；至于个牛颈脊绝对系「无投诉」色水靓，纹路又清晰，有咬口，够牛味，食完齿
今晚番观塘揾旧同事食饭，两个人，唔知食咩又想慢慢坐住吹下水，最好嘅选择就系打边炉啦。网上见到介绍醉翁亭唔错，就二话不说let’s go。一坐低，服务员见我地两个男仔就同我地介绍先食个鸡煲然后再拣汤底打边炉。除左海鲜拼盘，刺身，花胶冬菇，至尊水饺王，牛颈脊等指定食品只系出一次，其他野都系可以任饮任食。咁抵食嘅边炉，都真系第一之试。
系等紧鸡煲黎嘅时候，我就出左去睇下有咩小食。虽然款式唔多，但系品质都唔错。炸排骨够酥香；白云凤爪酸甜爽口非常开胃。
服务员好快就为我地送上蚝皇金钱花胶，花胶都几厚身炆得都入味，同埋D芡汁浓郁。
另外个刺身都算几新鲜，有中价日本餐厅嘅水准，相当唔错。
上晒前菜，个鸡煲终于到啦。滚左一阵，指天椒、干指天椒、花椒、八角等香料嘅香味己经出晒黎。鸡肉鲜嫩又够入味，咬落脆身又唔会觉得「鞋」。我地叫左微辣，但食左一阵我已经满头大汗。唔食得辣嘅朋友要留意啦，其实都有走辣可以拣番。
最惊喜嘅就当然系海鲜拼盘同埋牛颈脊啦，海鲜每款都大件又饱满圣子，虾，青口，扇贝，鱼片，象拔蚌，十分丰富。唔似其他餐厅个D 雪左好耐又劲腥；至于个牛颈脊绝对系「无投诉」色水靓，纹路又清晰，有咬口，够牛味，食完齿颊留香。任饮任食嘅边炉有呢个水准。除左超值都唔知仲可以点形容。
食完鸡煲、海鲜拼盘同埋牛颈脊之后已经8成饱，但系两条仔无理由咁快停手，之后我地再系任点火锅料单上面点左一几款再试下。D 火锅料黎到真系一D都唔马虎，墨鱼滑爽口弹牙，猪润嫩滑。如果你自问同你班朋友「战斗力」高，又想坐得耐嘅话，醉翁亭绝对系你不二之选。
张贴
