醉胡爐 (已搬遷) 新店位置

今次👧🏻同屋企人就去咗尖沙咀打边炉，醉胡炉都算系几新派嘅火锅店，装修几舒服仲要间咗好多间房仔，想要啲私人空间食野/聚餐，打边炉饮下酒嘅朋友仔就岩晒！闲日6点到入座，得返一枱Walk in Quota，奉劝想嚟嘅朋友仔记住要先Book枱！🌟招牌鲜椰青鸡锅上枱时铜锅内放满生嘅鸡件、椰子片🥥，先用牛油煎封鸡件🐔，表面煎至略熟后加入少量酒再点火🔥，火熄灭后便加入新鲜椰青水同鸡汤。煮滚后店员叫我地先饮汤，饮够先再加猪骨汤打边炉。汤底清香鲜甜，鸡味浓郁。可能系有用火烧过椰子肉，所以汤底有椰子肉独特香味，闻落有啲似腊肉🤣。🌟手切顶级安格斯肥牛今次就叫左份细嘅肥牛，可能真系太好味，觉得唔够食🤤！肥牛用上牛肩颈部位，肉味同脂肪都突出，可能脂肪比例唔算少，质感系极软绵。🌟丸类拼盘叫咗拼盘就可以咩款式都试下！丸类拼盘内有：黑松露墨鱼丸、蟹籽虾丸、手打墨鱼丸、梅菜猪肉丸同手打香茜炸菜牛丸。5款丸类都系超弹牙，梅菜猪肉丸几有新意，有淡淡梅菜咸甜味，而👧🏻就比较钟意海鲜丸类！🌟饺子拼盘拼盘内有：黑松露蟹肉饺、XO鲍鱼虾肉饺、手工云呑、自家制韭菜饺同香荽猪肉饺。全部个皮都系又薄又滑！当中最有特色就紧系黑松露蟹肉饺🍄