醉藥雞 (福榮街)

营业中

休息中

今日下昼去咗深水埗既醉药鸡，谂住食返个鸡汤米线暖下胃。午餐时段好彩唔使排队，餐厅入面位置不多同座位较迫，想食记得预早少少黎。呢度最出名系砂锅生滚面，有翅、云吞、胡椒猪肚各类选择搭配鸡件同砂锅原煲上，可以保持住鸡汤同面底够热，另外都仲有冷盘同凉拌面等。今次嗌咗砂锅鸡汤翅、砂锅胡椒猪肚鸡同醉乳鸽。汤底方面，店家声称系无添加味精，饮落鸡味好浓郁，可以饮多两啖。胡椒猪肚鸡汤就好香好啱配面食，胡椒既辣味唔会太抢，猪肚都够淋，我自己就比较钟意胡椒猪肚汤底，层次会丰富啲。鸡肉方面两锅都系跟鸡胸同翼既位置，肉质都算嫩滑。面底可以拣米线、米粉、粉丝、刀削面、白饭、银针粉、赖粉，选择多到晕，今次就拣咗有口感既刀削面。最有惊喜系佢个醉乳鸽，酒味好香好香，入口乳鸽个肉质好软好滑，好似食肝甘，非常推介。