銘興山西刀削麵 (和豐行)

营业中

休息中

呢一间非常近油麻地地铁站，本身觉得好似普通嘅刀削面餐厅咁，但系发现原来系深藏不露。首先佢嘅价钱非常抵食，一个餐除咗刀削面同肉类之外，包埋饮品都只系五六十蚊，下午茶嘅话更加平！当日我同两三个朋友一齐食，所以我哋都带咗唔少小食。个人认为佢哋嘅醉鸡系我暂时食过最好食嘅一间，食得出佢哋嘅醉鸡花咗唔少时间去腌制，味道非常浓郁，非常入味 。唔好以为跟餐鸡嘅份量好少，反而比我想像中多成一倍有多，而且啲鸡肉好滑身甚至会被鸡髀位置。再讲下佢嘅蒜泥牛展，蒜泥味好香，唔会好难而且同牛展嘅味道都几夹。牛展切得薄身，非常容易入口同咀嚼。猪颈肉份量非常之多，而且油份唔会好重，唔会觉得好滞。春卷有六七件咁多，食落口唔会成口油，入面嘅用料亦都非常丰富。再讲下佢哋嘅刀削面，棉质非常弹牙，而且见到厨师系即砌，非常新鲜！汤底清甜，亦都可以叫单拼或者双拼等等，东坡肉非常肥美，十分入味。