影片
更多
2011-11-28
20 浏览
位于元朗鸡地的爽爽面店，以醉鸡及猪扒驰名，今天又来造访。舖子不大，只有五、六张小圆枱，经常要在舖外攞筹等候，不过流转量都颇快，依家系星期日下午两点几，我等咗7分钟就有位啦。原来爽爽喺后面，仲有个舖位，不过冇枱櫈，喺厨房重地，眼见有位大叔，手持一双长筷子，监控著两只镬，正在忙碌地煎猪扒，见他细心地煎将猪扒两面煎香，再盖上镬盖，不一会，就端上一只大碟备用，睇见都漏口水。一坐下，就点了半只醉鸡，再加一碗猪扒米粉，猪扒有肥有瘦，可事先要求，十分窝心。醉鸡先到，一上枱，已闻到一阵酒香，但入口又唔会太重酒味，酒嘅份量适中，所用嘅酒，应以花雕酒为主，再混和少量其他酒，所以香味突出之余，又不太浓；鸡嘅size唔算大，半只索价$120，份量唔算好多，两、三个人绝对可以食哂；入口嫩滑无比，就算鸡胸位置，都绝不嚡口，处理手法了得，而且鸡味重，冇雪味，相信爽爽喺用活鸡，非常好食；加上入口凉快，不一会，已经被我食了半碟。猪扒米粉登场，猪扒并非整件上，而是剪开一条条，份量似乎不足一整块，但味道依然，入口松化，有肉味，非雪藏货色，而且腌得入味，咬落又唔韧，相信老板事前必定做了不少功夫，最重要，就是唔油腻，唔错；至于
一坐下，就点了半只醉鸡，再加一碗猪扒米粉，猪扒有肥有瘦，可事先要求，十分窝心。
醉鸡先到，一上枱，已闻到一阵酒香，但入口又唔会太重酒味，酒嘅份量适中，所用嘅酒，应以花雕酒为主，再混和少量其他酒，所以香味突出之余，又不太浓；鸡嘅size唔算大，半只索价$120，份量唔算好多，两、三个人绝对可以食哂；入口嫩滑无比，就算鸡胸位置，都绝不嚡口，处理手法了得，而且鸡味重，冇雪味，相信爽爽喺用活鸡，非常好食；加上入口凉快，不一会，已经被我食了半碟。
猪扒米粉登场，猪扒并非整件上，而是剪开一条条，份量似乎不足一整块，但味道依然，入口松化，有肉味，非雪藏货色，而且腌得入味，咬落又唔韧，相信老板事前必定做了不少功夫，最重要，就是唔油腻，唔错；至于米粉，虽然唔算爽口弹牙，但亦唔太腍，ok啦，略嫌葱花偏少，唔够香，若然洒多些少葱花，相信会更香。
加多罐汽水，埋单$153，若非我贪食，要半只醉鸡，相信一个人消费唔驶一佰蚊。
张贴
