度小月 (時代廣場) (已搬遷) 新店位置

之前经过成日闻到好香都好想去食，今次终于约到朋友一齐去试下，一嗌就嗌咗好多嘢食 埋单都系二百蚊内每个人。服务非常之好。虽然订咗位，但系迟到咗15分钟都可以入去，因为要等齐人先可以入座。食物嘅质素都非常之好，每一碟菜都好出色，我哋每个人都特别钟意食咗醉鸡，下次一定会再嗌。 另外，个三杯炒野菌都好好食，即场帮你捞匀佢，超惹味。 个人就觉得个蛋普普通通， 如果真系好钟意食都可以试下。 但系个人觉得个胡椒肉就麻麻地，太咸，同相差劲远。 可能本人唔系特别钟意食胡椒味， 如果钟意食胡椒都可以试下， 因为佢系劲劲劲重胡椒味。