薄荷葉泰國菜

营业中

休息中

闷热嘅天气真系令人无乜胃口，想醒胃醒神最啱就系食泰国菜！泰国菜嘅香辣、酸酸甜甜嘅味道，绝对为味蕾带嚟冲击。位于元朗嘅薄荷叶泰国菜就充满泰国风情，餐厅分为室内同室外两部份，挂上泰式民俗灯，加上味道正宗，值得推介。冬荫功汤食泰国菜又点少得冬荫功汤呢？估唔到细size都有五、六碗汤饮，份量十足。汤料都非常丰富，有香茅、香叶、香菇、虾等，味道酸酸辣辣，够晒开胃。肉碎生菜包用新鲜爽脆嘅生菜包住带有洋葱、香叶，味道微辣嘅肉碎，味道更具层次，简直令人食唔停口。泰式烧牛仔骨牛仔骨大大块，而且鲜嫩多汁，一啲都唔韧。加上店舖自家调制嘅酱汁，大大提升咗牛仔骨嘅味道。椒盐魔鬼鱼平时食泰国菜都系食乌头居多，而薄荷叶泰国菜就有少见嘅魔鬼鱼选择。魔鬼鱼炸到甘香爽脆，而肉质非常滑溜，加上椒盐嘅点缀，充满惊喜。马拉盏炒通菜食咗咁多𩠌，当然要嗌个菜来平衡一下啦！我哋就拣咗马拉盏炒通菜。马拉盏嘅咸香，加上爽脆嘅通菜，真系有泰国嘅味道。