影片
更多
2020-11-03
44 浏览
鸿图中心入面有好多野食，见到间餐厅叫「鸭仔冰室」个名几得意，见佢有得锯扒就一于试试。我同朋友共点了4个餐：慢煮鸡胸烧南瓜杂菜沙律、鸭仔铁板什扒、焗白汁海鲜意粉同埋香煎龙脷柳刁草忌廉汁配饭。加$5可配汤，加左$5点左汤。是日餐汤系南瓜忌廉薯蓉汤，去嘅时候餐厅重有万圣节装饰，餐汤重系南瓜汤好应节呀。汤好滑，薯蓉混入汤中有口感。汤落左香草同胡椒碎粒好香口。「慢煮鸡胸烧南瓜杂菜沙律」落左醋同橄榄油令个沙律冇咁干。沙律菜新鲜爽脆唔会苦。鸡胸唔会有雪藏味，够新鲜，有香草味。生洋葱为平淡嘅沙律添上辛辣味。蕃茄仔又甜又酸，开胃醒神。南瓜鲜甜，切成薄片烧，烧得啱啱好，唔会烧到腍得滞一咬就散。食完沙律菜再食扒，有菜平衡番，感觉都冇咁罪疚。黎到鸭仔冰室又点可以唔试下「鸭仔铁板什扒」呢？一上枱，侍应就帮忙淋上酱汁——「咋咋」声，证明个铁板够晒热呀！什扒共有三块，分别系猪扒、牛扒同埋鸡扒，重有一条司华力肠，加埋薯菜，多到块铁板都装唔晒呀！咁多野食都系$128咋，重包三种扒，真系一次过满足你三个愿望呀！猪扒肉质实净，落左香草，几香口。牛扒薄切，黑椒同牛嘅肉汁好夹。鸡扒较猪扒同牛扒厚，未食，就咁摆近个鼻已经闻到好香
我同朋友共点了4个餐：慢煮鸡胸烧南瓜杂菜沙律、鸭仔铁板什扒、焗白汁海鲜意粉同埋香煎龙脷柳刁草忌廉汁配饭。
加$5可配汤，加左$5点左汤。是日餐汤系南瓜忌廉薯蓉汤，去嘅时候餐厅重有万圣节装饰，餐汤重系南瓜汤好应节呀。汤好滑，薯蓉混入汤中有口感。汤落左香草同胡椒碎粒好香口。
「慢煮鸡胸烧南瓜杂菜沙律」
落左醋同橄榄油令个沙律冇咁干。沙律菜新鲜爽脆唔会苦。鸡胸唔会有雪藏味，够新鲜，有香草味。生洋葱为平淡嘅沙律添上辛辣味。蕃茄仔又甜又酸，开胃醒神。南瓜鲜甜，切成薄片烧，烧得啱啱好，唔会烧到腍得滞一咬就散。
食完沙律菜再食扒，有菜平衡番，感觉都冇咁罪疚。
黎到鸭仔冰室又点可以唔试下「鸭仔铁板什扒」呢？一上枱，侍应就帮忙淋上酱汁——「咋咋」声，证明个铁板够晒热呀！
什扒共有三块，分别系猪扒、牛扒同埋鸡扒，重有一条司华力肠，加埋薯菜，多到块铁板都装唔晒呀！咁多野食都系$128咋，重包三种扒，真系一次过满足你三个愿望呀！猪扒肉质实净，落左香草，几香口。牛扒薄切，黑椒同牛嘅肉汁好夹。鸡扒较猪扒同牛扒厚，未食，就咁摆近个鼻已经闻到好香，鸡肉冇冰鲜味，可能腌了香料，入口好够味。薯菜配菜有鲜菇、红萝卜同椰菜。鲜菇爽口，红萝卜同椰菜完全冇草青味。红萝卜甜甜地。椰菜新鲜爽脆。薯条份量都几多，索埋什扒嘅汁食好惹味。
「焗白汁海鲜意粉」
焗白汁海鲜意粉入面有丰富嘅海鲜，就咁睇系睇唔出，因为海鲜被芝士覆盖晒，同芝士融为一体，要用口慢慢品尝先食得出。食得出有鱿鱼同蚝仔。鱿鱼质地挺实，蚝仔唔鯹。芝士份量够晒多，啱晒钟意食芝士嘅朋友。芝士为意粉添上咸香。
「香煎龙脷柳刁草忌廉汁配饭」
刁草忌廉汁闻落去好香，食入口好淡，感觉好轻盈，唔会觉得好似食左茨咁。龙脷柳好薄身，外层是薄薄的一层炸粉，冇油腻感。成日好惊龙脷柳淡茂茂，但系呢度嘅龙脷柳有少少盐调味，味道都不错。
食左咁多肉，于是决定加多$5点杯热柠檬水清清喉咙解解腻。柠檬有三片，重要厚切！柠檬够新鲜，饮落有柠檬香唔会苦。
总括黎讲，鸭仔冰室嘅晚餐性价比高，以平民嘅价钱锯扒算不错了。
张贴
