奇興咖啡餅店

营业中

休息中

本身同同事O系附近食米线, 但两间都好鬼多人..所以转左去食呢间茶记.Menu有分星期几有唔同既选择, 都叫有得拣.干炒牛河炒得几干身, 都唔算太多油.而且D牛肉都算多同都几够味.黑椒鸡扒配意粉味道正正常常. 鸡扒有两大块, 都系饱肚之选.个黑椒汁都几惹味~平时经过见到佢D面包同蛋挞都想试下,今次就一人叫只蛋挞食~我同同事都比较钟情牛油皮蛋挞.个蛋挞冇想像中咁好食, 拎上手好淋咁, 冇牛油皮既松化既感觉.