八沢 (已結業)

近排极度繁忙，OT O到咀都O埋，难得今晚可以早少少走人，正所谓搞掂食碗面，今晚一于捉埋同事过去上环叹返碗日式拉面。 八沢主打新派日本拉面，拉面选择好多，净系拉面乌冬都已经有差唔多二十款，而且每款拉面乌冬既用料都几多元化，今晚我地就食左黑松露忌廉海鲜乌冬同埋黑蒜炙烧极浓黑豚肉拉面。 黑松露忌廉海鲜乌冬。一上枱已经散发出香浓既黑松露味，虽然黑松露香味好强，但系并非所有嘅焦点，因为汤底系用左忌廉，两者系几配合既，再加上海鲜既鲜味，乌冬既牵烟韧，无论口感，味蕾，甚至嗅觉都能够满足得到。 黑蒜炙烧极浓黑豚肉拉面。另一款拉面都系浓味之选，黑蒜带甜味，有一抹蒜油铺喺面头，以铁煲上枱出烟热辣辣，拉面有蛋味又弹牙，黑豚肉厚切有嚼劲，配上青葱同熟蒜非常惹味。串烧最低消费叫两串，烧鳝好肥美，鱼皮焦脆。烧牛舌同平常的不同，并非全熟，咬下去较嫩和淋身，调味不错👍。