大和堂咖啡店

营业中

休息中

讲起九龙城，大家都会谂到泰国菜，但呢区近年都开咗好多cafe，无论装修定食物都非常高质！好似大和堂咁，门口牌匾十分抢眼，前身系一间医馆同中药材行，经活化后变成特色cafe。呢间cafe好受欢迎，而且只得walk-in，经常都有排队人龙。今次早少少去到，好彩唔洗排太耐😆 Cafe保留咗以前医馆嘅金漆招牌、百子柜、牌匾同铁闸等，而且欣赏佢楼底高，空间感十足👍🏻 传统英式早餐作为all day控又点可以错过呢！炒蛋好大份，而且加入糖酱，甜甜哋几特别。小蕃茄经过腌制，捞埋茄汁豆，令茄汁豆变得好食😂面包系用酸种包，唔错。反而薯饼就冇乜薯仔味，失色咗啲🥲 肉酱意粉🍝肉酱份量多，可以裹住意粉。流心蛋嘅蛋黄加强意粉嘅香味。 鸡蛋仔与鸡🐓大和堂嘅招牌菜😋西柠酱炸鸡配鸡蛋仔，一上菜都几大嘅视觉震撼😂西柠酱酸酸甜甜劲开胃，降低炸鸡嘅油腻感。略嫌唔够酱汁，令炸鸡同鸡蛋仔都比较干，有啲可惜。 皇牌气血茶🫖有桂圆、红枣、千日红、康仙花、金盏菊、黑枸杞。都系补血气嘅中药同花，味道甘香，有淡淡嘅花香味。