星期二薄餅皇 (已結業)

住左沙田咁多年，都有听过唔知人识排头村呢间星期二PIZZA，以前每次经过外面条路，都会唔觉意见到佢门口系好多人排队。由于沙田啲嘢我实在已经食到闷闷地，唯一系呢间其中一间未试过，何乐而不为呢？最惊喜嘅系一入到去，我就撞到我中学同学系度做，即系warm 左，哈哈！环境先食嘅我，其实呢间嘅环境实在唔太讨好，好细同埋好似好 up DUP... 所以见到啲人多数买外卖。幸好我当时七点去到，仲有位坐，唔系我就要系门口等了；！分开叫左一个 8吋pizza，一个焗饭。套餐的确系平啲，但由于我地得两个人，根本就食唔哂咁多嘢。所以最后都系拣左独立叫。但落单个呀姐实在唔系几好礼貌，所以印象始终唔太好。 pizza 果然冇叫错，呢间 pizza 可以话咁嘅价钱有咁嘅水准，已经好叻叻，而我比较欣赏嘅就系佢啲酱料，实在太野味了，不过可惜嘅系饼底一般，同埋冇芝心批选择，如果唔系就更好喇！后来加左个青口薯蓉。白汁好食，都系𠮶句啦，赢个酱汁，其他都系一般，薯蓉有点硬。但胜在咁嘅价钱就有咁大份薯蓉，呢点真系赢左！好喇，最后黎个大合照先。总结，酱汁味道的确一流，但如果其他方面都可以改善配合，会更加好！