牛陣 (已結業)

同男友都想试呢度好耐喇! 等紧位果阵都已经觉得好香sukiyaki既味0系度谂紧试普通牛肉定系上牛肉好﹐偷听到店员话原来上牛肉系滑少少无0甘鞋既﹐差少少价钱﹐一于食上牛肉啦 ^ ^ 叫左个餐(上牛肉 + 猪柳肉 + 猪肋肉 + sukiyaki锅底)一黎到碟肉比我想像中大﹐牛肉既份量都有好多下普通水准啦﹐瘦既部份都几多﹐我比较钟意肥少少既﹐但味道都唔错其中一个好似猪腩肉都唔错﹐但呢个肥膏又多左d另外既猪肉就麻麻地个汤底开头都ok﹐但越黎越咸﹐浓得滞喇!如果下次黎会叫 shabu shabu, 因为d 牛肉就0甘点生蛋 + 麻酱 + 豉油已经好正好够味!钟意距个麻酱﹐个味好好!其他配料系0系出面夹﹐都有唔少选择﹕冬瓜﹐萝卜﹐南瓜﹐薯仔﹐冬菇﹐金菇﹐乌冬﹐粉丝﹐豆腐等等觉得冬菇﹐冬瓜﹐萝卜同粉丝都唔错 ^ ^ 食左好多!乌冬因为太饱食唔落 > < 其他仲有炒饭﹐白饭同雪糕﹐都食唔落喇 > < (本来想食雪糕呢...)serve我地既侍应服务好好﹐见我地差唔多食完第一碟肉会主动问我地要唔要order多碟又会久唔久refill水同汤不过我地台上面既冷气机滴水﹐仲