Tonkotsu 8 by 三田製麵所 (Citylink)

营业中

休息中

突然心郁郁想食拉面，咁啱醒起呢间近地铁站几方便，但从来都未试过。标价亦都非常平民化，所以就谂住试吓，尤其下午茶好似几抵。但系入到去嘅时间未够，都等咗一阵先可以落单叫下午茶。服务员都好好人，知道我哋想叫下午茶，就一到2:30就主动过嚟帮我哋落单。上菜速度都好快。个酱油汤底其实冇咩特别。由于自己拣咗软身啲嘅拉面，都好担心拉面质地太淋🙈不过好彩面算系适中，不过如果再可以弹牙啲就好啦！用料方面大概有三条竹笋、半只糖心蛋、一片叉烧、一片鱼板。糖心蛋稍为过熟，鱼板就比较粉状，唔多弹牙。不过呢个价钱都还可接受。