影片
更多
2022-09-27
306 浏览
上星期同呀妈食左好好味既一餐饭。就系系Mr Korea BBQ到食左酱油蟹、酱油虾、酱油鲍鱼同韩牛。酱油拼盘 $780呢个拼盘真系份量十足，2只酱油蟹、6只酱油虾、4只酱油鲍鱼、2个紫菜饭团全部腌得好入味，鲜得黎甜甜地咸咸地，完全唔会腥，真系一试会上瘾架🤤我真系好enjoy挤啲蟹肉出黎！再连壳啜啲蟹肉出黎。就咁食好满足，用黎捞饭都得。个汁真系劲好送饭，劲大个紫菜饭团我极速KO左。叫得做白饭神偷真系名不虚传👍🏻酱油虾大只得黎好弹牙！有我呀妈帮我搣走晒啲虾壳，我真系孝顺呀😂酱油鲍鱼扎实有口感，爽口弹牙😋今次系我呀妈第一次试酱油系列，开头仲系到话系生既唔系好敢食。食左一啖之后系咁话好鲜甜好好味。我就觉得真系食完有幸福既感觉😌佢地而家做紧个优惠 : 7-9月凭任何红馆演唱会飞尾正本可以享有优惠价$600就食到酱油拼盘。真系超抵！想试既就快手啦，仲有几日就完啦个promotion。(全单需以现金付款)~~~~~~~~~~~~~~~~~~~~~~~~~~~~~~炸鸡(半份) $98 / $168(全份)虽然餐牌净系得全份价钱，但其实系可以嗌半份架。半份份量都好多，有6大件左右。平时个甜辣酱系会淋系
酱油拼盘 $780呢个拼盘真系份量十足，2只酱油蟹、6只酱油虾、4只酱油鲍鱼、2个紫菜饭团
全部腌得好入味，鲜得黎甜甜地咸咸地，完全唔会腥，真系一试会上瘾架🤤
我真系好enjoy挤啲蟹肉出黎！再连壳啜啲蟹肉出黎。就咁食好满足，用黎捞饭都得。个汁真系劲好送饭，劲大个紫菜饭团我极速KO左。叫得做白饭神偷真系名不虚传👍🏻
酱油虾大只得黎好弹牙！有我呀妈帮我搣走晒啲虾壳，我真系孝顺呀😂
酱油鲍鱼扎实有口感，爽口弹牙😋
今次系我呀妈第一次试酱油系列，开头仲系到话系生既唔系好敢食。食左一啖之后系咁话好鲜甜好好味。我就觉得真系食完有幸福既感觉😌
佢地而家做紧个优惠 : 7-9月凭任何红馆演唱会飞尾正本可以享有优惠价$600就食到酱油拼盘。真系超抵！想试既就快手啦，仲有几日就完啦个promotion。(全单需以现金付款)~~~~~~~~~~~~~~~~~~~~~~~~~~~~~~
炸鸡(半份) $98 / $168(全份)
虽然餐牌净系得全份价钱，但其实系可以嗌半份架。半份份量都好多，有6大件左右。
平时个甜辣酱系会淋系面既，但餐厅专登帮我将酱分开上，咁我就可以试下原味啦。
个炸粉唔厚，食落系皮脆肉嫩既。
腹胁肉(100g) $240
韩牛真系唔系成日有，同埋好限量架！为左大家唔扑空一场，可以预先打个电话去餐厅问下当日有咩韩牛，预订左先呀嘛。
呢个腹胁肉系韩牛最高级别1++级，真系摆入口唔使咬架，入口即溶好juicy🤤
腌制猪肋条 $138选用西班牙豚肉，质地较爽口。烧出黎好香，配生菜一齐食一流。
猪皮 $98
呢个因为见到好多人食所以都想试下，顺便补充下骨胶原，等肌肤可以动L动L😆
侍应有教我地点烧先好食。食落真系好烟韧，韩国人钟意点黄豆粉食可以去腻。
生米酒 $128
食烧肉我钟意饮米酒多过饮烧酒，易入口好多又有米香。本身谂住同呀妈饮返2杯，点知条友仔饮得得2啖就唔饮，搞到我队晒成枝
Overall呢餐饭好满意，嘢食好味，劲有去左韩国既feel，亦都好好Service👍🏻绝对可以再去！
张贴
