立体派拉麵 (棉登徑) (已結業)

今日去完SOGO就系附近揾食，老公想食拉面，就入左呢间试下!入到去有去左日本拉面店既感觉~地方唔大但感觉舒服!特级白汤睇menu见到呢个特级白汤系拎左日本世界拉面战全国冠军，即刻俾佢吸引左。一黎到见到劲大碗，汤底奶白色，上面放有切半既溏心蛋，卖相几吸引!上面既豚肉片切到纸咁薄，直情可以透光!好犀利~食多几块都唔会内疚~XD面质系我钟意既口感，弹牙又有面香~好正!海体酱油汤海体酱油汤同特级白汤完全系两种味道，呢款味道更浓，但汤底唔会死咸~食完唔会觉得好口渴。叉烧系另上，煮得好入味，肥瘦分明，咬落口油脂香同软林既肉系口腔入面游走~满足既感觉!唐扬脆炸鸡炸鸡基本上一定系好食，呢度既炸鸡唔会好油，回埋沙律酱食到停唔到口!香炸鸡软骨饺子鸡软骨饺子唔会炸过龙令外层变硬，咬落脆口入面JUICY，鸡软骨肉馅有咬口，比就咁食普通肉饺子冇咁腻!饮品叫左波子汽水同Zero，不过开既时候要小心，如果唔系会弹到成身都系。