明洞包車

营业中

休息中

搬咗嚟大窝口几年，初初搬嚟已经开始食呢间韩国菜，𠮶阵时唔系叫呢个名，有位好靓女嘅女士应该系事头婆，同埋佢嘅韩国人老公主理，食嘅系正宗韩国料理，几乎喺韩剧见到嘅所有嘢，都喺呢度食到。我自己最钟意食佢嘅酱油虾，跟一碗紫菜饭，一个人可以食到六七只，酱油腌过嘅虾爽甜鲜味，酱油捞饭简直绝配。细路仔就好钟意食𠮶个韩式烧玉子，问过大厨要用七只鸡蛋咁多。虽然价钱都唔算平，但当支持小店我哋都隔几个月都会嚟食，后来喺社交媒体见到呢间店同客人有纠纷，唔知系咪有关人流明显少咗，但我哋都keep住支持，食物质素一直保持到。