韓珍 (帝國中心) (已結業)

同朋友嚟到呢间韩烧食晚餐，我地点咗一个k special 套餐，入面有牛肉眼牛扒、牛西冷牛扒、济州猪腩肉、东海鱿鱼、鳝、人参鸡汤、蛋饼，仲有柚子菜，睇返张单先知原来比漏咗柚子茶比我地个人参鸡汤真系好好食，个鸡煲到骨肉分裂，一食入口真系食得出火侯好够，好入味，下次嚟会再嗌！不过食完呢个都饱左5成啦，因为入面有饭。泡菜煎饼软林林，又够辣，好食。而韩烧食材方面，整体食材系新鲜、真系韩牛嚟，好好食，抽气系统都好好，食完都唔会成身韩烧味，不过当我地request 要refill生菜，老板话要加钱，我地就觉得有d孤寒啦，因为个set $1688，咁多野食，但就连生菜都唔free多转，希望老板会free多转生菜比客人啦，本身兜菜都偏细兜。服务方面，入面侍应有韩国人同菲律宾侍应，多数要讲英文，得老板识讲广东话嘅，整体服务都唔错，全程帮我地烧野食，我地都无郁过手，下次想食韩牛都会过嚟呀，我地埋单$2500，系偏贵不过有质素嘅。