Bingo & Cook

营业中

休息中

Bingo and Cook喺旺角朗豪坊开咗分店 对我嚟讲又方便咗😍呢度装修满满韩风 由韩国人主理 所以菜式都比较地道 而且选择够晒多🇰🇷ꕥ 涮涮牛肉锅好澎湃嘅牛肉锅 我哋开头仲谂紧佢用乜嘢垫起啲牛肉🤔原来牛肉下面都系牛肉 份量劲多啊🐂牛肉都几鲜嫩 就算喺个锅度煮得耐 食落去都唔会觉得韧 另外仲配咗个酱汁系特别for牛肉嘅 点埋食甜甜酸酸 好特别 会令人食唔停😆锅内仲有其他配菜 例如冬菇/鸡髀菇/大葱/洋葱/年糕等等ꕥ 酱油蟹心心念念嘅酱油蟹 终于都食到啦🦀拣咗两只份量 味道劲鲜甜 酱油味道唔会太咸太浓郁 反而更加突出到鲜味✨仲会配埋碗饭添 饭加咗芝麻油/紫菜同少少蟹籽 又系惹味到爆饮品都系韩式为主 米酒/碳酸水/韩国茶/烧酒等等 最想讲呢度有Kelly beer🍺 记得上年年尾去首尔旅行 𠮶时都唔系间间餐厅有 估唔到咁快就喺香港饮到