本家韓國料理

营业中

休息中

之前已经听过好多人推介呢间嘅酱油蟹，因为之前都未试过食酱油蟹，就同frd一齐去试下呢间。呢间餐厅出名难book位，我好好彩咁打咗5次电话就book到，建议大家简喺平日非繁忙时间先打电话，咁就会容易打得通俾间餐厅。一坐低叫完野食，阿朱妈就即刻上韩式小菜，除咗泡菜之外，其他都无得再额外免费加添。 1.酱油蟹之前一直惊食完酱油蟹之后会肚痌，不过玻璃肠嘅我食完又无事。呢间酱油蟹嘅价钱虽然都几贵，不过佢每只蟹嘅size都超大只，肉同膏都超多，基本上四个人食一碟都已经好够。呢到嘅服务都唔错，阿猪妈会帮手将酱油蟹拆壳捞紫菜饭，再将饭分好放落蟹盖，食完之后都好想继续再食，不过我个人觉得呢到嘅酱油蟹偏重酱油味大于蟹味，但可接受嘅。 2.烧肉套餐除咗酱油蟹，我地仲叫咗个烧肉套餐，包豆腐汤、猪腩肉同牛排骨，味道都无咩特别，唯一比较好就系会有阿朱妈帮手烧肉，唔洗自己落手烧; 豆腐汤嘅味道好有趣，饮落似小辣嘅罗宋汤。下次再黎，我谂我应该只会叫酱油蟹或者试下烧鳗鱼。