Red Rice 米飯主題餐廳 (億利工業中心)

营业中

休息中

之前睇过全港蛋包饭推荐，呢间系获奖🏆嘅其中一间。睇戏前医下肚，经过呢间就去食下。黎到就点咗吉列鱼柳蛋包饭，配咖哩汁，仲加咗个3.6牛乳忌廉汤。平时都唔会加钱叫汤，不过讲到咁吸引，用3.6牛乳，就不防一试。3.6牛乳忌廉汤系有惊喜，好浓厚，汤仲有蘑菇呢d配料。个汤起咗个好嘅开始，不过黎黎嘅蛋包饭真系失望。薄薄一层滑蛋盖住成个饭，挂住蛋汁系面，虽然相比饭量讲，蛋同蛋汁绝对唔够捞饭食，但味道都唔错。所以死因唔系蛋到。其中一个奇怪位系饭系已用汁调味，咸同令个饭湿湿地，用黎配蛋食好奇怪。吉列鱼柳得个大，唔脆，肉质又太实，唔讲都唔知食紧鱼柳。另一死穴系咖哩汁，与其话系汁，不如话系酱，系好港色茶餐厅嘅咖哩，得个咸。可能之前对呢间获奖嘅餐厅期望太大，结果失望更大，破坏左对蛋包饭嘅印象。